دوای ماوەیەک لە داخستنی، دەروازەی نێودەوڵەتیی حاجی ئۆمەران ڕایگەیاند، لە سبەی یەکشەممەوە جموجۆڵی بازرگانی و هاتوچۆی گەشتیاری لە دەروازەکە ئاسایی دەبێتەوە.
ڕۆژی شەممە 14ـی ئادار، ڕاگەیاندن و پەیوەندییەکانی دەروازەی نێودەوڵەتیی حاجی ئۆمەران لە ئاگادارییەکدا ڕایگەیاند: سبەی یەکشەممە 15ـی ئاداری 2026، دەروازەکە لەگەڵ دەروازەی گومرگیی (تەمەرچین)ـی لای ئێران بە ڕووی هاووڵاتییان و بازرگاناندا دەکرێتەوە.
لە ئاگادارییەکەدا هاتووە، سەرجەم بازرگانان، کۆمپانیاکان، هاوردەکاران و هەناردەکاران دەتوانن وەک پێشتر دەست بە چالاکییەکانیان بکەنەوە و هاتوچۆی گەشتیاریش بە تەواوی ئاسایی دەبێتەوە.
کۆمێنت (0)
تا ئێستا هیچ کۆمێنتێک نەکراوە.