ئەمڕۆ چوارشەممە بوومەلەرزە لە شارێكی كوردستان روویداوە، خۆشبەختانە هیچ زیانێكی گیانی و ماددی بەدوای خۆیدا نەهێناوە.
بەگوێرەی راگەیەنراوی دەستەی كەشناسی و بوومەلەرزەزانی عێراق، بەرەبەیانی ئەمڕۆ چوارشەممە بوومەلەرزەیەك بە گوڕی 3.4 پلەی رێختەر لە رۆژهەڵاتی شاری خانەقین لە سنووری پارێزگای دیالە رووی دا.
بەهۆی كەمی هێزی بوومەلەرزەكە، هاووڵاتییەكی كەمی شاری خانەقین و ناوچەكانی دەوروبەری هەستیان كرد، هەروەها تا ئێستا هیچ زیانێكی گیانی و ماددیش بەهۆی بوومەلەرزەكە تۆمار نەكراوە.
کۆمێنت (0)
تا ئێستا هیچ کۆمێنتێک نەکراوە.