دۆناڵد ترەمپ، سەرۆکی ویلایەتە یەکگرتووەکانی ئەمریکا، بەبۆنەی هاتنی مانگی پیرۆزی ڕەمەزانەوە، پیرۆزبایی ئاراستەی موسڵمانانی وڵاتەکەی و جیهان کرد. ترەمپ لە پەیامەکەیدا ڕەمەزانی بە وەرزێکی گرنگ بۆ "نوێبوونەوەی ڕۆحی و تێڕامان" وەسف کرد.
سەرۆکی ئەمریکا ئاماژەی بەوە دا کە ئەم مانگە بۆ زۆرێک لە ئەمریکییەکان کاتی بەهێزکردنی پەیوەندییە خێزانی و کۆمەڵایەتییەکانە، و تێیدا جەخت لە بەها باڵاکانی وەک بەزەیی، بەخشندەیی و میهرەبانی دەکرێتەوە.
لە بەشێکی تری پەیامەکەیدا، ترەمپ پرسی ئازادیی ئایینی بەرز نرخاند و ڕایگەیاند: "مافی پەرستنی ئازادانە مۆرکی نەتەوەکەمان و کۆڵەکەی گەشەسەندن و هێزمانە." ئاماژەی بەوەش کرد کە ئیدارەکەی بەردەوامە لە هەوڵەکانی بۆ دڵنیابوونەوە لەوەی هەموو هاووڵاتیان بتوانن بەبێ ترس لە چەوسانەوە و بە شانازییەوە، پەیڕەوی ئایینەکەیان بکەن.
لە کۆتایی پەیامەکەیدا، سەرۆکی ئەمریکا هیوای بەختەوەریی بۆ خێزانەکان و ئاشتی و تەبایی بۆ تەواوی جیهان خواست، و نزای کرد کە ساڵی داهاتوو ببێتە ساڵی بەرەکەت و خێر بۆ هەمووان.
کۆمێنت (0)
تا ئێستا هیچ کۆمێنتێک نەکراوە.