زانکۆی سەڵاحەدین ڕایگەیاند، لە مانگی ڕەمەزان، دەوامی فەرمی فەرمانبەرانی زانکۆکە نزیکەی کاتژمێرێک کەم دەکرێتەوە و قوتابییانیش بەپێی خشتەی وانەکانییان دەخوێنن.
ڕۆژی سێشەممە 17ـی شوبات، سامان عەبدوڵڵا، بەڕێوەبەری ڕاگەیاندنی زانکۆی سەلاحەدین بە کوردستان تیڤی ڕاگەیاند: "بە ئامادەبوونی پ.د.کامەران یونس محمدئەمین، سەرۆکی زانکۆی سەلاحەدین، ئەنجوومەنی زانکۆ کۆبووەوە و بڕیاردرا، دەوامی فەرمی فەرمانبەران کاتژمێر 8:30 بەیانی بۆ کاتژمێر 1:00 نیوەڕۆ بێت".
سامان عەبدوڵڵا ئاماژەی بەوە کرد، دەوامی فەرمی فەرمانبەران لە مانگی ڕەمەزان کاتژمێرێک کەم کراوەتەوە.
سەبارەت بە دەوامی قوتابییان، بەڕێوەبەری ڕاگەیاندنی زانکۆی سەڵاحەدین گوتی: "بەپێی خشتەی کۆلێژ و بەشەکان قوتابییان وانەکانییان دەخوێنن".
کۆمێنت (0)
تا ئێستا هیچ کۆمێنتێک نەکراوە.