سەرۆکی ئەمریکا لە نوێترین لێدوانیدا هۆشداریی دایە ئێران کە ئەگەر لەگەڵ ئەمریکا ڕێک نەکەون ئەوا تووشی ڕووداوی زۆر خراپ دەبن.
دۆناڵد ترەمپ لە کۆشکی سپی بە پەیامنێرانی ڕاگەیاند: هەر ئێستا گەلەکەشتییەکانمان بەرەو ئێران بەڕێوەن، گەورەترین و باشترین فڕۆکەهەڵگرەکانمان بە ڕێگاوەن. وەک ئەوەی بۆ ڤەنزۆیلامان نارد و تەنانەت گەورەتریش. گفتوگۆ لەگەڵ ئێران لە ئارادایە. ئەگەر بتوانین ڕێک بکەوین زۆر باشە. ئەگەر ڕێک نەکەوین شتی خراپ ڕوو دەدات.
دوابەدوای قسەکانی ترەمپ سەرۆککۆماری ئێران ڕایگەیاند وەزیری دەرەوەی وڵاتەکەی ڕاسپاردووە بوار بۆ دانوستانێکی دادپەروەرانە لەگەڵ ئەمریکا خۆش بکات.
مەسعوود پزیشکیان لە نووسینێکدا لە تۆڕی کۆمەڵایەتیی ئێکس ڕایگەیاند: بە سەرنجدان بە داوای وڵاتانی دۆستمان لە ناوچەکە بۆ وڵامدانەوەی پێشنیاری سەرۆکی ئەمریکا سەبارەت بە دانوستان، فەرمانم داوەتە وەزیری دەرەوە لە ئەگەری بوونی کەشێکی گونجاو و بەدوور لە هەڕەشە و داواکاریی ناڕەوا، بوار بۆ دانوستانی دادپەروەرانە لەسەر بنەمای سەربڵندی و حیکمەت و لە چوارچێوەی بەرژوەندیی نیشتمانیدا خۆش بکات.
بڕیارە ڕۆژی هەینی، عەباس عێراقچی، وەزیری دەرەوەی ئێران لەگەڵ ستیف ویتکۆف، نوێنەری تایبەتی ئەمریکا بۆ کاروباری ڕۆژهەڵاتی ناوەڕاست، لە ئیستەنبوڵ کۆ ببێتەوە و لەسەر بەرنامەی ئەتۆمیی ئێران دانوستان بکەن.
“We have ships heading to Iran right now, big ones … and we have talks going on with Iran. We’ll see how it all works out.” — President Trump pic.twitter.com/7IshgqGx80
— Department of State (@StateDept) February 2, 2026
با توجه به درخواست دولتهای دوست در منطقه برای پاسخ به پیشنهاد رئیسجمهور آمریکا جهت مذاکره، به وزیر خارجه دستور دادم در صورت وجود فضای مناسب و عاری از تهدید و به دور از توقعات بیمنطق، زمینه مذاکره عادلانه و منصفانه بر اساس اصل عزت، حکمت و مصلحت را در چارچوب منافع ملی فراهم سازد
— Masoud Pezeshkian (@drpezeshkian) February 3, 2026
کۆمێنت (0)
تا ئێستا هیچ کۆمێنتێک نەکراوە.