وەزیری جەنگی ئەمریكا ئەمڕۆ دووشەممە پەیامێكی بەپەلەی ئاراستەی بەرپرسانی ئێران كرد و جەختی كردەوە كە تەنیا بژاردە لەبەردەمیان رێككەوتن و گفتوگۆیە، یاخود هیچ.
پیت هێگسەس وەزیری جەنگی ئەمریكا بە رۆژنامەنووسای گوت: دۆناڵد ترەمپ سەرۆكی ئەمریكا نایەوێت رێگەی جەنگ لەگەڵ ئێران بگرێتەبەر، بەڵام پێویستە ئامادەكاری بكەن و بۆ ئەم مەبەستەش بەتەواوی ئامادەین.
پیت هێگسەس هەروەها پەیامێك ئاراستەی بەرپرسانی ئێران كرد و رایگەیاند: پێویستە هەر ئێستا دەست بە گفتوگۆ بكەن، بەپێچەوانەوە ئێمە بژاردەی دیكەمان دەبێت.
راشیگەیاند: ترەمپ ئامادەیە رێككەوتنی ئاشتی بكات ئەگەر ئێرانییەكان بەڕاستی ئەمەیان بوێت.
لە كۆتاییدا پیت هێگسەس وەزیری جەنگی ئەمریكا جەختی كردەوە كە ئێران تەنیا یەك بژاردەیان لەبەردەمە ئەویش رێككەوتن و گفتوگۆ، یاخود هیچ.
کۆمێنت (0)
تا ئێستا هیچ کۆمێنتێک نەکراوە.