بەڕێوەبەرایەتی گشتیی كەشناسی و بوومەلەرزەزانی رایدەگەیەنێت، ئەمڕۆ هەینی و سبەی شەممە بارانبارین لە سەنتەری شارەكان و بەفربارین لە ناوچە شاخاوی و سنوورییەكانی هەرێمی كوردستان بەردەوام دەبێت.
كەشناسی سەبارەت بە كەشوهەوای ئەمڕۆ هەینی رایگەیاند: ئاسمان بە گشتی هەور دەبێت، سەرەتا لە ڕۆژئاوا و باکوری هەرێم نمەباران دەبارێت، دواتر لە دوای نیوەڕۆوە نمەباران و بارانی مامناوەند بە پچڕپچڕی لە زۆربەی ناوچەکان دەبارێت.
سەبارەت بە بەفربارین رایدەگەیەنێت: لە ناوچە سنوورییەکان بەفر دەبارێت، لە شەودا کاریگەری ئەم بەفربارینە لە زۆربەی ناوچەکان لاواز دەبێت تەنیا لە ناوچە شاخاوی و ناوچە سنوورییەکاندا بەردەوام دەبێت.
سەبارەت بە پلەكانی گەرماش، كەشناسی ئاماژەی بەوە دا كە پلەکانی گەرما نزیک دەبێتەوە لە تۆمارەکانی دوێنێ پێنجشەممە.
بۆ رەوشی كەشوهەوای سبەی شەممەش، كەشناسی رایگەیاند: بەهەمانشێوە ئاسمان هەوری تەواو دەبێت، لە كاتەكانی شەودا کاریگەری دابارین زیاد دەکات و لە زۆربەی ناوچەکانی هەرێم نمەباران و بارانی مامناوەند دەبارێت، هەروەها ئەگەری دروستبوونی تەمومژ لە هەندێک ناوچە لە کاتەکانی بەیانیدا هەیە.
بەهەمانشێوە رایگەیاند: لە ناوچە سنوورییەکانی باکور بەفربارینێکی کەم دەبێت، بەڵام لە شەودا لە سەرجەم ناوچە سنوورییەکان بەفربارین زیاد دەبێت .
كەشناسی ئاماژەی بەوەش دا كە سبەی شەممە پلەكانی گەرما بە نزیکی 2 تــــا 4 پلە بەرزتر دەبێت بەراورد بە تۆمارەکانی ئەمڕۆ هەینی، پلەكانی گەرماش بەمشێوەی خوارەوە دەبن:-
هەولێر: 13 پلەی سیلیزی
پیرمام: 7 پلەی سیلیزی
سۆران: 6 پلەی سیلیزی
حاجی ئۆمەران: 1 پلەی سیلیزی
سلێمانی: 12 پلەی سیلیزی
چەمچەماڵ: 15 پلەی سیلیزی
هەڵەبجە: 13 پلەی سیلیزی
دهۆک: 10 پلەی سیلیزی
زاخۆ: 10 پلەی سیلیزی
ئاکرێ: 10 پلەی سیلیزی
کۆمێنت (0)
تا ئێستا هیچ کۆمێنتێک نەکراوە.