بەڕێوەبەرایەتیی گشتی کەشناسی و بوومەلەرزەزانی هەرێمی کوردستان، پێشبینییەکانی بۆ ڕەوشی کەشوهەوای 48 کاتژمێری داهاتوو بڵاوکردەوە و ڕایدەگەیەنێت، لە شەوی پێنجشەممەوە شەپۆلێکی بەفربارین زۆربەی ناوچەکانی هەرێم دەگرێتەوە
ڕۆژی پێنجشەممە، 21ـی کانوونی دووەم، بەڕێوبەرایەتیی کەشناسی و بومەلەرزەزانی ڕایگەیاند: ئاسمانی هەرێم بە گشتی ساماڵ دەبێت و لە شەودا هەندێک پەڵە هەور دەردەکەون. هاوکات بەهۆی نزمبوونەوەی پلەی گەرما، دیاردەی شەختە و بەستن لە زۆربەی ناوچەکاندا دروست دەبێت. پلەی گەرما بەراورد بە دوێنێ 1 بۆ 3 پلە بەرز دەبێتەوە.
سبەی پێنجشەممە، 22ـی کانوونی دووەم، کەشناسیی پێشبینی دەکات، سبەی بەیانی بەهۆی نزمبوونی پلەی گەرما شەختە دروست دەبێت و ئاسمان لە ساماڵەوە دەگۆڕێت بۆ نیمچە هەور و پاشان لە شەودا دەبێتە هەوری تەواو.
لە ڕاگەیەندراوەکەدا هاتووە: هەر لە شەوی پێنجشەممەوە، شەپۆلێکی بەفربارین لە ناوچەکانی باکوور و باشووری ڕۆژئاوای هەرێمەوە دەست پێ دەکات و دواتر درێژ دەبێتەوە بۆ سەرجەم ناوچە جیاجیاکانی هەرێمی کوردستان. کاریگەری ئەم شەپۆلە لە شەوی پێنجشەممە لەسەر هەینی زیاتر دەبێت و بۆ ڕۆژی هەینیش بەردەوامی دەبێت.
بەرزترین پلەی گەرمای پێشبینیکراو بۆ 48 کاتژمێری داهاتوو (بە پلەی سیلیزی):
| شار و ناوچە جیاجیاکانی هەرێم | چوارشەممە | پێنجشەممە |
| هەولێر | 7 | 9 |
| سلێمانی | 4 | 6 |
| دهۆک | 4 | 6 |
| هەڵەبجە | 4 | 6 |
| گەرمیان | 7 | 10 |
| پیرمام | 3 | 5 |
| حاجی ئۆمەران | -6 | -3 |
| چەمچەماڵ | 4 | 7 |
| زاخۆ | 5 | 7 |
| سۆران | 2 | 4 |
کۆمێنت (0)
تا ئێستا هیچ کۆمێنتێک نەکراوە.