مەکتەبی ڕێکخستنی کەرکووک-گەرمیان پەیامێكی پیرۆزبایی ئاراستەی (كوردستان تیڤی) كرد بەبۆنەی 27 ساڵەی دامەزراندنییەوە و رایگەیاند "كوردستان تیڤی هەمیشە وەک قوتابخانەیەکی پێگەیاندنی میدیاکار و سەنگەری داکۆکیکردن لە مافەکانی گەلی کورد ناسراوە".
دەقی پەیامە پیرۆزباییەكەی مەكتەبی رێكخستنی كەركووك-گەرمیان بۆ كوردستان تیڤی:-
بەبۆنەی تێپەڕبوونی 27 ساڵ بەسەر دامەزراندنی کەناڵی کوردستان تیڤی، گەرمترین و جوانترین پیرۆزبایی خۆمان ئاراستەی بەڕێوەبەری گشتی، تەواوی کادیران، ڕۆژنامەنووسان و کارمەندانی ئەم دامەزراوە میدیاییە نیشتمانییە دەکەین.
کوردستان تیڤی، وەک "کەناڵی دایک" و یەکەمین کەناڵی ئاسمانی کوردی، هەمیشە وەک قوتابخانەیەکی پێگەیاندنی میدیاکاری لێهاتوو و سەنگەرێکی پتەوی داکۆکیکردن لە مافە ڕەواکانی گەلی کورد ناسراوە.
کوردستان تیڤی، بە شانازییەوە بە "کەناڵی پێشمەرگە" دەناسرێت، لە ماوەی 27 ساڵی تەمەنیدا توانیویەتی ببێتە دەنگی ڕاستەقینەی خەبات، ئاوەدانی و پاراستنی ناسنامەی نەتەوەیی، بە تایبەتی لە ناوچە کوردستانییەکانی دەرەوەی ئیدارەی هەرێم و لە کەرکووکی دڵ و گەرمیاندا.
ڕۆڵی کوردستان تیڤی لە گەیاندنی پەیامی ئاشتی و پێکەوەژیان و بەرگریکردن لە دەستکەوتە نیشتمانییەکان، جێگەی بایەخ و دەستخۆشییەکی زۆرە.
ئێمە لە مەکتەبی ڕێکخستنی کەرکووک-گەرمیان، وێڕای دەربڕینی ڕێز و پێزانینمان بۆ هەوڵە ماندوونەناسەکانتان، هیوای بەردەوامی و گەشەسەندنی زیاترتان بۆ دەخوازین لە کاروانی ڕاگەیاندنی کوردیدا.
هەمیشە پێشەنگ و سەرکەوتوو بن لە خزمەتکردنی کوردستان و دۆزە ڕەواکەی.
مەکتەبی ڕێکخستنی کەرکووک - گەرمیان
کۆمێنت (0)
تا ئێستا هیچ کۆمێنتێک نەکراوە.