وەزارەتی کارەبای حکوومەتی هەرێمی کوردستان ڕایگەیاند، بەهۆی دروستبوونی کێشەیەکی تەکنیکی لە هێڵەکانی گواستنەوەی گاز، کاتژمێرەکانی پێدانی کارەبا لە چەند ناوچەیەک کەمبووەتەوە و تیمەکانیان سەرقاڵی چارەسەرکردنی کێشەکەن.
ڕۆژی دووشەممە، 19ـی کانوونی دووەم، وەزارەتی کارەبا ڕایگەیاند: بەهۆی کێشەیەکی تەکنیکی لە هێڵەکانی گواستنەوەی گازی سرووشتی بۆ وێستگەکانی کارەبا، گرفتی پچڕانی کارەبا لە بەشێکی پارێزگاکانی هەولێر، دهۆک و سلێمانی درووست بووە.
لە ڕاگەیاندراوەکەدا هاتووە: ئەم گرفتە بە شێوەیەکی کاتی کاریگەری لەسەر تۆڕی کارەبای نیشتمانی دروست کردووە، بەڵام تیمە هونەرییەکانی وەزارەت لە هەوڵی بەردەوامدان و چاوەڕوان دەکرێت لە چەند کاتژمێری داهاتوودا گرفتەکە چارەسەر بکرێت و دۆخی کارەبا بۆ باری ئاسایی خۆی بگەڕێتەوە.
کۆمێنت (0)
تا ئێستا هیچ کۆمێنتێک نەکراوە.