پارێزگای سلێمانی بڕیاریدا بە ڕاگرتنی دەوامی خوێندن لە سەرجەم قوتابخانە و ناوەندەکانی خوێندنی حکوومی و ناحکوومی بۆ ماوەی دوو ڕۆژ، ئەوەش بەهۆی ئەو شەپۆلە سەرمایەی ڕووی لە ناوچەکە کردووە.
ڕۆژی دووشەممە، 19ـی کانوونی دووەم، پارێزگای سلێمانی ڕایگەیاند: بەهۆی دابەزینی زۆری پلەی گەرما لە سنووری پارێزگای سلێمانی و لە پێناوی پاراستنی سەلامەتیی و تەندروستیی گشتییدا بڕیارماندا ڕۆژانی 20 و 21ـی ئەم مانگە، لە هەموو خوێندنگا و ناوەندەکانی خوێندنی حکوومیی و ناحکوومیی، دەوام ڕابگیرێت
لە ڕاگەیەندراوەکەدا هاتووە: بڕیارەکە لەسەر بنەمای ڕاپۆرتی وەزارەتی گواستنەوە و گەیاندنی حکومەتی هەرێمی کوردستان و دوای ڕاوێژکردن لەگەڵ فەرمانگە پەیوەندیدارەکان، بەڕێوەبەرێتیی گشتیی پەروەردەی سلێمانی و یەکە کارگێڕییەکان دراوە.
ئەم بڕیارە لە کاتێکدایە کە شەپۆلێکی سەرما و سۆڵە ناوچە جیاجیاکانی هەرێمی کوردستانی گرتووەتەوە و پێشبینی دەکرێت پلەی گەرما بۆ ژێر سفر دابەزن، ئەمەش مەترسی بۆ سەر سەلامەتی خوێندکاران دروست دەکات.
کۆمێنت (0)
تا ئێستا هیچ کۆمێنتێک نەکراوە.