ئەندامێکی کۆمیتەی ناوەندیی پارتی دیموکراتی کوردستان لە ساڵیادی دامەزراندنی کوردستان تیڤیدا پەیامێکی پیرۆزبایی بڵاو دەکاتەوە و ڕایگەیاند، ئەم کەناڵە بەهۆی ڕاستگۆیی لە گەیاندندا، لە ڕووی پابەندبوون بە ئەرکی نەتەوەیی و نیشتمانییەوە پێشەنگ بووە.
ئاری نانەکەلی، ئەندامی کۆمیتەی ناوەندیی پارتی، بەبۆنەی 27ـەمین ساڵیادی دامەزراندنی کوردستان تیڤی پەیامێکی بڵاو کردەوە و تێیدا هیوا دەخوازێت کەناڵەکە بەردەوام بێت لەسەر گەیاندنی دەنگی ڕەوای بزاڤی ڕزگاریخوازی گەلەکەمان.
دەقی پەیامەکە:
27ـەمین ساڵیادی دامەزراندنی کەناڵی ئاسمانیی کوردستان تیڤی پیرۆز بێت.
لە یادی 27ـەمین ساڵیادی دامەزراندنی کەناڵی ئاسمانیی کوردستان تیڤی، جوانترین پیرۆزبایی ئاراستەی بەڕێزان سەرپەرشتیاری گشتیی دەزگای سەتەلایتی کوردستان و سەرجەم بەڕێوەبەر و کارمەندان دەکەم.
کوردستان تیڤی لە ڕووی پابەندبوون بە ئەرکی نەتەوەیی و نیشتمانی و گەیاندنی پەیامی ئاشتی و تەبایی و لێبووردەیی و پێکەوەژیان پێشەنگ بووە، بەهۆی ڕاستگۆیی لە گەیاندن، بووەتە پردێکی پڕ متمانەی نێوان هاووڵاتییان و دەسەڵات.
هیوادارم بەردەوام بن لەسەر گەیاندنی دەنگی ڕەوای بزاڤی ڕزگاریخوازی گەلەکەمان.
هیوای سەرکەوتن و بەردەوامیتان بۆ دەخوازم و دووبارە بە گەرمی پیرۆزباییتان لێ دەکەم.
ئاری نانەکەلی
17/1/2026
کۆمێنت (0)
تا ئێستا هیچ کۆمێنتێک نەکراوە.