شێرکۆ حەبیب لە ساڵیادی دامەزراندنی کوردستان تیڤیدا پەیامێکی پیرۆزبایی ئاراستەی بەڕێوەبەر و کارمەندانی کەناڵەکە دەکات و هیوای بەردەوامی لە پێشەنگی و گەیاندنی دەنگی کورد بە جیهان دەخوازێت.
شێرکۆ حەبیب، بەرپرسی مەکتەبی پارتی دیموکراتی کوردستان لە وڵاتی میسر، بەبۆنەی 27ـەمین ساڵیادی دامەزراندنی کوردستان تیڤی، پەیامێکی پیرۆزبایی بڵاوکردەوە و تێیدا ئاماژەی بەوە داوە کە ئەو کەناڵە بە شێوازێکی شارەزایانە و سەردەمیانە کارەکانی ئەنجام داوە.
دەقی پەیامەکە:
بەڕێز بەڕێوەبەری گشتیی کەناڵی کوردستان تیڤی
بەڕێزان لە کەناڵی کوردستان تیڤی
سڵاو و ڕێز
بەبۆنەی ساڵیادی دامەزراندنی کەناڵی ئاسمانیی کوردستان تیڤی، گەرمترین و جوانترین پیرۆزبایی لە ئێوەی بەڕێز و سەرجەم کارمەندان و ستافی بەڕێزی کەناڵی کوردستان تیڤیی دایک دەکەم، کەوا هەڵگری یەکەم مەشخەڵی جیهانی ڕاگەیاندنی کوردی بوو لە ڕێگای کەناڵە ئاسمانییەکان.
هیوادارم کەوا هەر دەم بەردەوام بن لە پێشەنگی و گەیاندنی دەنگی کورد و ئەزموونی دیموکراسیی کوردستان بە جیهان. بێگومان لە ماوەی ڕابردوو بە شێوازێکی شارەزایی و سەردەمیانە و لێهاتوویی کارەکانتان ئەنجام داوە، هەڵبەتە ئەمەش بە هەوڵ و کۆششی کەسانی شارەزا و دڵسۆز و پسپۆڕ ئەنجام دراوە، هەر ئەمەش لەو کەسایەتییانە چاوەڕوان دەکرێت.
دووبارە پیرۆزە و هیوادارم ئەم ساڵیادە ببێتە هاندەری زیاتر بۆ سەرکەوتن و پێشکەوتن.
لەگەڵ ڕێزم
شێرکۆ حەبیب
بەرپرسی مەکتەبی پارتی لە وڵاتی میسر
کۆمێنت (0)
تا ئێستا هیچ کۆمێنتێک نەکراوە.