ئەمڕۆ دووشەممە لە دادگای نیۆیۆڕك لە ئەمریكا یەكەم پڕۆسەی دادگاییكردنی سەرۆكی ڤەنزوێلا و هاوژینەكەی بەڕێوەچوو، هەردوو تۆمەتبار سەرجەم ئەو تۆمەتانەیان رەتكردەوە كە لەلایەن دادگاوە ئاراستەیان كرابوو.
نیكۆلاس مادورۆ لەبەردەم دادوەر گوتوویەتی "من سەرۆكی ڤەنزوێلام و ئێستاش دیلی جەنگم، لەنێو ماڵەكەی خۆمدا لە كاراكاس دەستگیر كرام".
مادورۆ لە بەردەم دادوەر سەرجەم ئەو تۆمەتانەی رەتكردۆتەوە سەبارەت بە ماددەی هۆشبەر و كۆكایین و چەك و تیرۆر ئاراستەی كراون.
بەهەمانشێوە سیلیا فلۆرێس هاوژینی مادورۆ ئەویش سەرجەم ئەو تۆمەتانەی رەتكردۆتەوە و جەختی كردەوە كە تا ئێستا خانمی یەكەمی ڤەنزوێلایە.
فلۆرێس گوتوویەتی "من بێ تاوانم و هەموو ئەو تۆمەتانەی لەبارەی كۆكایین و قاچاغی ماددەی هۆشبەر ئاراستەم كراون دوورن لە راستییەوە.
بەرەبەیانی رۆژی شەممەی رابردوو لە ئۆپڕاسیۆنێكدا هێزێكی تایبەتی سوپای ئەمریكا لە كاراكاس، نیكۆلاس مادۆرۆ سەرۆكی ڤەنزوێلا و هاوژینەكەیان دەستگیر كرد و رفاندییان.
دوای ئۆپەڕاسیۆنەكە، دۆناڵد ترەمپ سەرۆكی ئەمریكا رایگەیاند كە نیكۆلاس و هاوژینەكەی بە تۆمەتی ماددەی هۆشبەر و تیرۆر و چەند تۆمەتێكی دیكە لە دادگای نیۆیۆڕك دادگایی دەكرێن.
کۆمێنت (0)
تا ئێستا هیچ کۆمێنتێک نەکراوە.