ئەمڕۆ یەکشەممە وەزارەتی بارزگانی و پیشەسازی هەرێمی کوردستان بڵاوی کردەوە، وەجبەی سێیەمی شایستە داراییەکانی جوتیارانی هەرێمی کوردستان بۆ ساڵی 2025 گەیشتووەتە سەر هەژماری بانکی وەزارەتی بازرگانی.
کۆی گشتی ئەم وەجبەیە بریتییە لە 24 ملیار و 250 ملیۆن دینار. بڕیارە دوای تەواوبوونی ڕێکارە کارگێڕی و داراییەکان، دەستبەجێ پرۆسەی دابەشکردنەکە دەستپێبکات، کە پشت دەبەستێت بە ریزبەندی ڕۆژی ڕادەستکردنی گەنم لەلایەن جوتیارانەوە بۆ سایلۆکان.
پشکی پارێزگاکان لەم بڕە پارەیە بەم جۆرە دابەشکراوە:
پارێزگای سلێمانی: 9 ملیار و پێنج سەد ملیۆن دینار.
پارێزگای هەولێر: 7 ملیار و حەوت سەد و پەنجا ملیۆن دینار.
پارێزگای دهۆک: 7 ملیار دینار.
کۆمێنت (0)
تا ئێستا هیچ کۆمێنتێک نەکراوە.