سەرۆکی حکوومەتی هەرێمی کوردستان پێشوازیی لە باڵیۆزی ئوسترالیا لە عێراق کرد و لە کۆبوونەوەکەدا پەیوەندیی دوولایەنە، کێشەکانی هەولێر و بەغدا و پرۆسەی هەڵبژاردنی ئەنجومەنی نوێنەرانی عێراقیان تاوتوێ کرد.
ئەمڕۆ یەکشەممە 10/19، مەسرور بارزانی سەرۆکی حکومەتی هەرێمی کوردستان، پێشوازیی لە گلێن مایڵز باڵیۆزی ئوسترالیا لە عێراق کرد.
فەرمانگەی میدیا و زانیاریی حکوومەتی هەرێمی کوردستان ڕایگەیاند لە کۆبوونوەدا ، پەرەپێدانی پەیوەندی دوولایەنە، دۆخی گشتیی هەرێمی کوردستان و عێراق و کێشەکانی هەولێر و بەغدا تاوتوێ کرا.
تەوەرێکی دیکەی گفتوگۆکان تایبەت بوو بە پرۆسەی هەڵبژاردنی ئەنجومەنی نوێنەرانی عێراق. هەردوولا هاوڕابوون لەسەر پێویستیی بەڕێوەچوونی هەڵبژاردن لە کەشێکی ئارام و دیموکراتیانە و دوور لە توندوتیژی و پێشێلکاری .
کۆمێنت (0)
تا ئێستا هیچ کۆمێنتێک نەکراوە.