وەزارەتی شارەوانی و گەشتوگوزار ڕایگەیاند سبەی نزیکەی 2 هەزار پارچە زەوی بەسەر فەرمانبەراندا دابەش دەکرێت.
ڕۆژی چوارشەممە، 15ـی تشرینی یەکەم، وەزارەتی شارەوانی و گەشتوگوزار ڕایگەیاند: لە چوارچێوەی پرۆسەی دابەشكردنی زەوی بەسەر فەرمانبەرانی سەرجەم شار و شارۆچكەكانی هەرێمی كوردستان، سبەی نزیكەی 2 هەزار پارچە زەوی لە سنووری سەرۆكایەتیی شارەوانیی ڕزگاری سەر بە بەڕێوەبەرایەتیی گشتیی شارەوانییەكانی هەولێر دابەش دەكرێت.
لە ڕاگەیاندراوەکەدا هاتووە: دابەشكردنی زەوی بەسەر فەرمانبەرانی حكوومەتی هەرێمی كوردستان لەسەر بڕیاری مەسرور بارزانی، سەرۆكی حكوومەتی هەرێمی كوردستان، بەردەوامە و سەرجەم ئەو فەرمانبەرانەی مەرج و ڕێنماییەكان دەیانگرێتە، دەبنە خاوەن زەویی خۆیان و لە بڕیارەكەی سەرۆكی حكوومەتی هەرێمی كوردستان سوودمەند دەبن.
کۆمێنت (0)
تا ئێستا هیچ کۆمێنتێک نەکراوە.