لە ناوەڕاستی هەفتەی داهاتوو شەپۆڵێكی بارانبارین هەرێمی كوردستان دەگرێتەوە و پێشبینی دەكرێت لە سەنتەری شارەكان باران ببارێت.
ئاراس جەبار شارەزای كەشناسی رایگەیاندووە: لە رۆژی سێشەمەی هەفتەی داهاتوو، هەرێمی کوردستان دەکەوێتەوە ژێر کاریگەریی نزمەپاڵەپەستۆیەک کە لە باشووری ئەوروپا و دەریای ناوەراستەوە چالاک دەبێت.
راشیگەیاندووە: پێشبینی دەكرێت رۆژی سێشەممە شەپۆلێکی بارانبارینی مامناوەند تەواوی ناوچە و سەنتەری شارەكانی هەرێمی کوردستان بگرێتەوە.
هەروەها رایگەیاندووە: لەم ماوەیەدا پلەكانی گەرما لە تەواوی ناوچەكانی هەرێمی كوردستان دابەزینی زیاتر بەخۆیانەوە دەبینن.
شارەزاكەی كەشناسی ئاماژەی بەوەشداوە: كاریگەریی شەپۆڵەكە بۆ ماوەی دوو رۆژ بەردەوام دەبێت.
کۆمێنت (0)
تا ئێستا هیچ کۆمێنتێک نەکراوە.