پۆلیسی هەڵەبجە بەشی نەهێشتنی تاوان دوو تۆمەتباری دەستگیرکرد بە تۆمەتی دزینی 12 ماتۆڕسکیلی دوو تایە و سێ تایە لەناو شار و دەوروبەری.
ئەمڕۆ دووشەممە 13ـی تشرینی یەکەم، بەرێوەبەرایەتیی پۆلیسی پارێزگای هەڵەبجە رایگەیاند: دوای ئەوەی چەند هاووڵاتییەک سکاڵایان تۆمارکرد سەبارەت بە دزرانی ماتۆڕسکیلەکانیان، پۆلیس دەستی بە لێکۆڵینەوە و بەدواداچوون کرد.
پۆلیسی هەڵەبجە ئاماژەی پێکردووە، لە ئەنجامی گەڕان و بەدواداچوون بۆ تۆمەتباران، هەردوو تۆمەتبار بە ناوەکانی (م. س. ح)، تەمەن 16 ساڵ، و (ی. ل. ن)، تەمەن 21 ساڵ، کە دانیشتووی پارێزگای هەڵەبجەن دەستگیر کران.
لە راگەیەندراوەکەی پۆلیسدا هاتووە، تۆمەتبارەکان لەبەردەم دادوەردا دانیان بە تاوانەکەیاندا ناوە و بەپێی ماددەی 446 لە یاسای سزادانی عێراقی ڕاگیراون.
کۆمێنت (0)
تا ئێستا هیچ کۆمێنتێک نەکراوە.