لە رووداوێکی ئاگرکەوتنەوەدا لە سنووری ناحیەی ئاغجەلەر، دوو مۆلیدەی کارەبا و تانکییەکی گاز گڕیان گرت و بەهۆیەوە دوو ئۆتۆمبێل سووتان و پاسەوانی مۆلیدەکانیش بریندار بوو.
ئەمڕۆ پێنجشەممە 7ـی ئاب، بەڕێوەبەرایەتیی بەرگریی شارستانیی کۆیە لە راگەیێندراوێکدا ڕایگەیاند: ئێوارەی ئەمڕۆ لە رووداوێکی ئاگرکەوتنەوەدا لە نێوان گوندی گردخەبەر و قەسرۆک لە سنووری ناحیەی ئاغجەلەر، دوو مۆلیدەی کارەبا و تانکییەکی گازی پڕۆژەیەکی حەوزی ماسی گڕیان گرت.
بەرگریی شارستانیی کۆیە ئاماژەی بەوە کردووە، دەستبەجێ تیمەکانی بنکەی بەرگریی شارستانیی قەرەناو گەیشتوونەتە شوێنی رووداوەکە و توانیویانە ئاگرەکە کۆنترۆڵ بکەن.
بەگوێرەی راگەیێندراوەکە، بەهۆی ئاگرەکەوە دوو ئۆتۆمبێل کە لە نزیک شوێنەکە بوون، بەتەواوی سووتاون و هاووڵاتییەکیش کە پاسەوانی مۆلیدەکان بووە، بە سووکی بریندار بووە.
کۆمێنت (0)
تا ئێستا هیچ کۆمێنتێک نەکراوە.