ئەمڕۆ هەینی چواری تهمووز، مەسرور بارزانی، سەرۆکی حکوومەتی هەرێمی کوردستان، سەردانی قەزای ئامێدی لە پارێزگای دهۆک کرد و بە مەبەستی گەیاندنی پرسە و سەرەخۆشی، بەشداریی لە رێوڕەسمی پرسەی تێکۆشەری دێرین و کەسایەتیی ناسراوی دەڤەری بادینان، خوالێخۆشبوو موحسین ئامێدی کرد.
لە میانی بەشداریکردن لە پرسەکەدا، سەرۆکی حکوومەتی هەرێمی کوردستان پرسە و سەرەخۆشیی قووڵی خۆی ئاراستەی بنەماڵە و کەسوکاری خوالێخۆشبوو کرد.
سەرۆکی حکوومەت هیوای خواست، خوای مەزن گیانی کۆچکردوو بە بەهەشتی بەرین شاد بکات و سەبووری و دڵنەواییش بە خانەوادە و دۆست و هەڤاڵانی ببەخشێت.
بنەماڵەی تێکۆشەری کۆچکردوو موحسین ئامێدی، سوپاس و پێزانینی خۆیان بۆ بەسەرکردنەوە و هاوبەشیی خەمیان لەلایەن سەرۆکی حکوومەتەوە دەربڕی.
کۆمێنت (0)
تا ئێستا هیچ کۆمێنتێک نەکراوە.