ئەمشەو پێنجشەممە و كەمێك پێش ئێستا، لە یەكێك لە گەڕەكەكانی پارێزگای كەركووك دەنگێكی بەهێز بیستراوە و دەگوترێت درۆنێك بووە لە نزیك فڕۆكەخانە كەوتۆتە خوارەوە.
پەیامنێری (كوردستان تیڤی) لە كەركووك رایگەیاند: بەپێی زانیارییە سەرەتاییەكان، دەنگەكە لە ئەنجامی كەوتنەخوارەوەی درۆنێك بووە كە لە باشووری كەركووكەوە ئاراستەی فڕۆكەخانە كراوە، بەڵام لە گەڕەكی بەدر كەوتۆتە خوارەوە.
راشیگەیاند: كەوتنەخوارەوەی درۆنەكە دەنگێكی بەهێزی دروستكردووە.
ئەمە لەكاتێكدایە كە شەوی سێشەممەی رابردووش بەهەمانشێوە چەند درۆنێكی دیكەش ئاراستەی فڕۆكەخانەی كەركووك كرابوون و بەشێكیان لەنێو خانووی ماڵان كەوتبوونە خوارەوە.
كەركووك/ هەڵۆ جەباری
کۆمێنت (0)
تا ئێستا هیچ کۆمێنتێک نەکراوە.