هاووڵاتییەک ماوەی چەند رۆژێکە ئۆتۆمبێل لێیداوە و تەرمەکەی لە پەیمانگای پزیشکی دادی سلێمانییە، پۆلیسی سلێمانیش دەڵێت، ناسنامەی ئاشکرا نیە و هیچ بەڵگەنامەیەکی پێ نییە.
ئەمڕۆ دووشەممە 30ـی حوزەیرانی 2025، بەڕێوبەرایەتی پۆلیسی سلێمانی بڵاویکردەوە؛ ماوەی چەند رۆژێکە هاووڵاتییەک لەشەقامی گشتی بەردەم پارێزگای سلێمانی ئۆتۆمبێل لێیداوە و تەرمەکەی لە پەیمانگای پزیشکی دادی سلێمانییە و تا ئێستا لەلایەن کەسووکاریەوە سۆراغی بۆ نەکراوە.
هاووڵاتییەکە ناسنامەی ئاشکرا نییە و ناوی سیانی نازاندرێت، تەمەنی لە نێوان 45 بۆ 50 ساڵ دەبێت، ژمارەیەک تاتۆ بە جەستەیەوە هەیە یەکێکیان لێی نووسراوە دیلان.
بەڕێوبەرایەتی پۆلیسی سلێمانی داوادەکات لە کەسوکاری یان هەرکەسێک کە دەیناسێت و زانیاری هەیە لە سەری پەیوەندنی بە بنکەی پۆلیسی سەرچنارەوە بکەن.
0533184288
کۆمێنت (0)
تا ئێستا هیچ کۆمێنتێک نەکراوە.