سەرۆکی ئەمریکا، ئەمڕۆ شەممە رایگەیاند، وڵاتەکەی چیتر درێژە بە دانوستانی بازرگانی لەگەڵ کەنەدا نادات و هۆکارەکەشی بۆ هەنگاوەکانی ئۆتاوا گەڕاندەوە سەبارەت بە سەپاندنی باج بەسەر کۆمپانیا ئەمریکییەکاندا.
دۆناڵد ترەمپ، سەرۆکی ئەمریکا لە هەژماری تایبەتیی خۆی لە تۆڕی کۆمەڵایەتیی "تروس سۆشیال" کە خۆی خاوەندارێتی دەکات، نووسیویەتی: "لێرەوە رایدەگەیەنین کە هەموو دانوستانەکان لەگەڵ حکوومەتی کەنەدا کۆتاییان پێهاتووە و ئەم بڕیارە دەستبەجێ کاری پێدەکرێت."
ترەمپ جەختی کردەوە کە ئەم بڕیارە بەهۆی هەنگاوەکانی ئۆتاواوە بووە بۆ سەپاندنی باجی خزمەتگوزارییە دیجیتاڵییەکان بەسەر کۆمپانیا ئەمریکییەکاندا.
سەرۆکی ئەمریکا زیاتر گوتی: "زۆر ڕوونە کە کەنەدییەکان هەمان کاری یەکێتیی ئەورووپا دووبارە دەکەنەوە."
دۆناڵد ترەمپ ئاماژەی بەوەکرد کە حکوومەتی ئەمریکا باجی گومرگی دەسەپێنێتە سەر چالاکیی کۆمپانیا کەنەدییەکان لە بازاڕی
ئەمریکادا و بەڵێنی دا کە رێژەی باجەکان لە ماوەی حەوت رۆژی داهاتوودا دیاری دەکرێن.
کۆمێنت (0)
تا ئێستا هیچ کۆمێنتێک نەکراوە.