بەگوێرەی سەرچاوە رۆژنامەوانییەكانی ئێران، لە ئەنجامی هێرشەكانی ئیسڕائیل بۆ سەر ئێران لە ماوەی هەردوو رۆژانی هەینی و شەممە 128 كەس كوژراون كە بەشێكیان ئافرەت و منداڵن، هەروەها سەدان كەسی دیكەش بریندارن.
رۆژنامەی (ئیعتیماد) لەسەر زاری بەرپرسانی وەزارەتی تەندروستی ئێران بڵاوی كردەوە: تا ئێستا 128 كەس بەهۆی هێرشەكانی ئیسڕائیل بۆ سەر ئێران كوژراون، هەروەها 900 برینداریش گەیەنراونەتە نەخۆشخانەكان.
بڵاویشی كردەوە: لەنێو كوژراوەكان 40 ئافرەت هەن لەگەڵ بەشێك لە منداڵان.
لەلایەكی دیكەشەوە بەگوێرەی میدیاكانی ئیسڕائیل، لە ئەنجامی هێرشەكانی ئێران بۆ سەر ئەو وڵاتە تا ئێستا 13 كەس كوژراون و 207 كەسی دیكە بریندار بوون، ئەمە جگە لە بێسەروشوێنبوونی 35 كەسی دیكە.
کۆمێنت (0)
تا ئێستا هیچ کۆمێنتێک نەکراوە.