زانایان لە زانكۆی كالیفۆرنیا لە ئەمەریكا دوای چەندین ساڵ لە تۆژینەوە، چارەسەرێكی نوێیان بۆ گرفتی كەچەڵی و قژهەڵوەرین دۆزییەوە و بۆ ئەم مەبەستەش تا ئێستا سەركەوتنی گەورەیان بەدەستهێناوە.
زانایان دوای زنجیرەیەك تاقیكردنەوە چارەسەرێكیان بەناوی (PP405) دروستكردووە كە تایبەتە بە گەشە و دووبارە زیندووكردنەوەی تاڵەكانی قژ، تاقیكردنەوەكان سەلماندوویانە كە ئەم دەرمانە دووبارە گەشە بە قژ دەبەخشێتەوە و هیچ زیانێكیش بە پێستی سەر ناگەیەنێت.
زاناكان لە ساڵی 2023ـەوە ئەم دەرمانە لەسەر مرۆڤ تاقی دەكەنەوە و تا ئێستا سەركەوتنی گەورەیان بەدەستهێناوە.
زانكۆی كالیفۆرنیا ئێستا ئەم چارەسەرەیان داوەتە كۆمپانیایەكی تایبەت بە مەبەستی پێشخستن و دواتریش فرۆشتنی دەرمانەكە بەسەر ئەوانەی كێشەی قژهەڵوەڕین و كەچەڵییان هەیە.
كەچەڵی و هەڵوەرینی قژ یەكێكە لە كێشە تەندروستییە باوەكانی مرۆڤ كە بەهۆی هەڵچوونی تەمەن و بۆماوەیی یاخود دڵەڕاوكێ و گۆڕانی هۆڕمۆنەكانی جەستە دووچاری مرۆڤ دەبێتەوە.
کۆمێنت (0)
تا ئێستا هیچ کۆمێنتێک نەکراوە.