مەكتەبی سیاسی پارتی دیموكراتی كوردستان راگەیەنراوێك لەبارەی بڕیارەكەی وەزارەتی دارایی عێراق بۆ راگرتنی مووچەی مووچەخۆرانی هەرێمی كوردستان بڵاو دەكاتەوە و تێیدا رایدەگەیەنێت "ئەگەر تا پێش جەژنی پیرۆزی قوربان ماف و شایستە داراییەکانی خەڵکی هەرێمی کوردستان ڕەوانە نەکرێت، هەڵوێستی جدیمان دەبێت".
ئەمەی خوارەوە دەقی راگەیەنراوەكەی مەكتەبی سیاسی پارتی دیموكراتی كوردستانە:-
رای گشتیی عێراق و هەرێمی کوردستان ئاگادار دەکەینەوە کە حکوومەتی فیدراڵی بەردەوامە لە پێشێلکردنی مافە دەستوورییەکانی هەرێمی کوردستان و دوا پێشلکاریشی نووسراوەکەی دوێنێی وەزارەتی داراییە کە دژی دەستوور و بنەماکانی ڕێککەوتنی پێکهێنانی حکوومەتە و بە سیاسی کردنی قوتی خەڵکە.
ئەم بابەتە لە کۆبوونەوەی داهاتووی کۆمیتەی ناوەندیی پارتیمان لە 2/ 6/ 2025 دەخەینە بەرباس و بڕیاروەرگرتن و ئەگەر تا پێش جەژنی پیرۆزی قوربان ماف و شایستە داراییەکانی خەڵکی هەرێمی کوردستان ڕەوانە نەکرێت هەڵوێستی جدیمان دەبێت و ڕایدەگەیەنین.
مەکتەبی سیاسیی
پارتی دیموکراتی کوردستان
٢٩ـی ٥ـی ٢٠٢٥
کۆمێنت (0)
تا ئێستا هیچ کۆمێنتێک نەکراوە.