وەزیری بەرگی ئیسرائیل دەڵێت، دوا فرۆکەی حووسییەکانمان لەناو بردووە و ئەمەش وەک وەڵامدانەوەی دواین هێرشی مووشەکی حووسییەکان بۆسەر ئیسرائیل ناودەبات.
ئەمڕۆ چوارشەممە 28ی ئایاری 2025، هیزەکانی ئیسڕائیل دوای زنجیرە بۆردومانێک توانیان فرۆکەخانەی سەنعا بکەنە ئامانج و دوا فرۆکەی حووسییەکان لەناو ببەن.
یسرائیل کاتز، وەزیری بەرگری ئیسرائیل لە راگەیندراوێکدا بڵاویکردەوە: "ئەمە پەیامێکی روون و ئاشکرایە، ئێمە سیاسەتمان ناگۆڕین ئەوەی هێرش بکاتە سەرمان بە تووندی وەڵامی دەدەینەوە".
وەزیری بەرگری ئیسرائیل گوتی: "توانیمان دوا فرۆکەی حووسییەکان لەناو ببەین و هیچ فرۆکەیەکیان بۆ نەهێڵینەوە".
کاتز دەڵێت، گەمارۆدانی حووسییەکان لە رێگەی وشکانی ئاوییەوە دەبێت، وەک ئاگادارم کردنەوە ئەوەی بیەوێت ئازارمان بدات بە حەوت ئەوەندە تۆڵەی لێدەکەینەوە.
وەزیری بەرگری ئیسرائیل ئاشکرای دەکات: حووسییەکان لە رێگەی گەشتی ئاسمانییەوە پێداویستییە تیرۆرستییەکانیان دەگواستەوە، بۆیە هەوڵماندا فرۆکەکانیان تێکبشکێنین بۆ ئەوەی نەتوانن لە گواستنەوەی چەک و بەرپرسەکانیان سەرکەوتووبن.
گوتیشی: دەزانین کێ لە پشت هاوکارییە سەربازییەکانی حووسییەکانە، تەنیا چاوەڕوانی ئەمریکاین رێگامان بدات بە دەردی حووسییەکانیان ببەین.
کاتز دەڵێت: لە رێگەی 10 فرۆکەوە توانیمان فرۆکەخانەی سەنعا بۆردوومان بکەین و دواین فرۆکەیان لەناو ببەین، هیچ رێگایەک نەماوە بۆ راکردن ئێستا ئەوان گەمارۆ دراون.
کۆمێنت (0)
تا ئێستا هیچ کۆمێنتێک نەکراوە.