وەزارەتی خوێندنی باڵا و توێژنەوەی زانستی بەبۆنەی جەژنی قوربان، پشووی 14 رۆژی بۆ قوتابییانی دەرەوەی وڵات راگەیاند.
وەزارەتەكە بڵاوی كردەوە "بەهۆى نزیکبوونەوەى جەژنی قوربانى پیرۆز و لەبەرچاوگرتنى بارودۆخى ئەو قوتابیانەى لە دەرەوەى وڵات دەخوێنن، د. ئارام محەمەد قادر وەزیرى خوێندنى باڵا و توێژینەوەى زانستى بڕیاری دا بە؛ ڕێگەپێدان بە قوتابییانى دەرەوەی وڵات بە مەبەستى گەڕانەوە بۆ هەرێمی کوردستان".
بڵاویشی كردەوە "پشووەكە بۆ ئەم قوتابییانە بۆ ماوەی چواردە رۆژ، واتە لە ڕێکەوتى (2025/5/30) تاکو (2025/6/13) دەبێت".
وەزارەتی خوێندنی باڵا هەروەها بڵاوی كردەوە "قوتابییان ئەو ماوەیەى لە شارەکانى هەرێمى کوردستان بەسەرى دەبەن، بە ماوەی مانەوە بۆیان هەژمار دەکرێت".
کۆمێنت (0)
تا ئێستا هیچ کۆمێنتێک نەکراوە.