لە تۆڕەكانی كۆمەڵایەتی دەنگۆی كەوتنەخوارەوەی فڕۆكەیەكی گواستنەوەی حاجییانی مۆریتانیا لە دەریای سوور بڵاوكراوەتەوە، بەڵام وڵاتەكە رەتی دەكاتەوە رووداوێكی لەمجۆرە رووی دابێت.
ئاژانسی دەنگوباسی مۆریتانیا لەسەر زاری بەرپرسانی وڵاتەكە بڵاوی كردەوە: دەنگۆی كەوتنەخوارەوەی فڕۆكەیەكی مۆریتانیا كە حاجییانی دەگواستەوە بۆ وڵاتی سعوودییە، دوورە لە ڕاستییەوە.
بڵاویشی كردەوە: سەرجەم حاجییانی مۆریتانیا بە سەلامەتی گەیشتوونەتە سعوودییە و هیچ رووداوێكی نەخوازراوی فڕۆكە رووی نەداوە.
هەروەها بڵاوی كردەوە: حاجییانی مۆریتانیا بە سێ فڕۆكە لە رۆژانی 23 و 24 و 25ی ئەم مانگە بەرەو وڵاتی سعوودییە بەڕێكەوتوون و ئێستا سەرجەم حاجییان ئامادەكاری دەكەن بۆ دەستپێكردنی مەڕاسیمەكانی حەج.
ئاژانسی مۆریتانیا ئاماژەی بەوەشداوە كە بڕیارە لە رۆژانی 12 و 13 و 14ی مانگی داهاتوو حاجییان بگەڕێنەوە وڵات دوای تەواوكردنی فەریزەی حەج.
کۆمێنت (0)
تا ئێستا هیچ کۆمێنتێک نەکراوە.