دۆناڵد ترەمپ سەرۆكی ئەمەریكا و ڤلادیمیر پووتین سەرۆكی رووسیا ئەمڕۆ دووشەممە پەیوەندییەكی تەلەفۆنییان ئەنجام دا، هەردوولا پەیوەندییە تەلەفۆنییەكەیان بە باش و ئیجابی لە قەڵەم دا.
دۆناڵد ترەمپ لەبارەی پەیوەندییە تەلەفۆنییەكە لە تۆڕی كۆمەڵایەتی (سۆشیال تروس) گوتی: پەیوەندییەكە بەباشی بەڕێوەچوو، بڕیاردرا مۆسكۆ و كیێف هەر ئێستا و راستەوخۆ دەست بە گفتوگۆكان بكەن بۆ وەستانی جەنگ.
گوتیشی: نوێنەری پاپا ئامادەیی پێشانداوە گفتوگۆكان لە ڤاتیكان بەڕێوەبچن و هەر ئێستاش دەست پێ بكەن.
لای خۆشییەوە ڤلادیمیر پووتین سەرۆكی رووسیا لەبارەی پەیوەندییە تەلەفۆنییەكە رایگەیاند: مۆسكۆ ئامادەیە رێككەوتنامەی لێكتێگەیشتن واژۆ بكات بۆ بەدیهێنانی ئاشتی دوای تێپەڕبوونی زیاتر لە سێ ساڵ بەسەر دەستپێكی جەنگ لەگەڵ ئۆكڕاینا.
پووتین نەشی شاردەوە كە پەیوەندییەكەی لەگەڵ ترەمپ زۆر مانادار و راستگۆیانە و بە سوود بووە.
سەرۆكی رووسیا سوپاسی دۆناڵد ترەمپ و ئەمەریكاشی كرد كە هەمیشە كاریان لەسەر ئەوە كردووە گفتوگۆ راستەوخۆكانی نێوان رووسیا و ئۆكڕاینا دەست پێ بكاتەوە.
جەختیشی كردەوە كە رووسیا لەگەڵ ئەوەیە جەنگ و ماڵوێرانییەكان رابگیرێت، بەڵام پێویستە ئاشتییەكی گشتگیر و سەرجەم لایەنەكان بگرێتەوە.
کۆمێنت (0)
تا ئێستا هیچ کۆمێنتێک نەکراوە.