ئەمڕۆ چوارشەممە لە یەكەم رۆژی دابەشكردنی مووچەی مانگی نیسانی مووچەخۆرانی هەرێمی كوردستان، مووچەی نزیكەی 120 هەزار مووچەخۆر خرایە سەر هەژماری بانكییەكانیان لە چوارچێوەی پڕۆژەی هەژماری من.
وەزارەتی دارایی و ئابووری ئەمڕۆ چوارشەممە دەستی كرد بە دابەشكردنی مووچەی مانگی نیسان (مانگی چوار)ی مووچەخۆرانی هەرێمی كوردستان.
پڕۆژەی هەژماری من رایگەیاند: ئەمڕۆ لە یەکەم ڕۆژی دابەشکردنی مووچەدا، مووچەی نزیکەی 120,000 خرایە سەر هەژماری بانکیی مووچەخۆران لە شارەکانی سلێمانی و هەولێر و دهۆک.
راشیگەیاند: لە چەند ڕۆژی داهاتوودا ئەم ژمارەیە دەبێت بە زیاتر لە 360,000 مووچەخۆر.
بەگوێرەی خشتەكەی وەزارەتی دارایی و ئابووری، سبەی پێنجشەممە و رۆژی یەكشەممەی داهاتوو دابەشكردنی مووچەی مانگی نیسان بەردەوام دەبێت.
کۆمێنت (0)
تا ئێستا هیچ کۆمێنتێک نەکراوە.