گوتەبێژی وەزارەتی تەندروستی هەرێمی کوردستان رایگەیاند، یەکەم توشبوون بە تای خوێنبەربوون لە هەرێمی کوردستان تۆمارکرا و دەشڵێت، کەسەکە تەمەنی 42 ساڵە و گۆشتفرۆشە.
رۆژی هەینی 2ـی ئایاری 2025 د. سەرکار سورچی، گوتەبێژی وەزارەتی تەندروستی هەرێمی کوردستان رایگەیاند؛ "دوای بەدواداچوون و پشکنین بۆ نەخۆشێکی گومانلێکراو لەماوەی دوو ڕۆژی ڕابردوو، ئەمڕۆ بە دڵنیابوونەوە و پشتڕاستکردنەوەی پشکنینەکان، یەکەم حاڵەتی تای خوێنبەربوون لە هەرێمی کوردستان تۆمارکرا ".
گوتەبێژی وەزارەتی تەندروستی لەبارەی ناسنامەی تووشبووەکە دەڵیت؛ "کەسەکە خەڵکی شاری کۆیەیە و پیشەی گۆشت فرۆشە و تەمەنی 42 ساڵە".
بە گوتەی د. سەرکار سورچی؛ "توشبووەکە ئێستا لە نەخۆشخانەیەکی شاری هەولێر چارەسەری پزیشکی وەردەگرێت و دۆخی تەندروستی تاوەکو ئێستا جێگیرە".
گوتەبێژی وەزارەتی تەندروستی داوا لە هاوڵاتیان دەکات ڕێنماییەکانی وەزارەتی تەندروستی جێبەجێ بکەن و دەشڵێت؛ "لە کاتی هەبوونی نیشانەکانی نەخۆشی لەسەر ئاژەڵ، پێویستە تیمەکانی ڤێترنەری ئاگاداربکەنەوە و بەرکەوتووان و بەخێوکەرانی ئاژەڵ یان بەرهەمەکانی ئاژەڵ، لەکاتی بوونی هەر نیشانەیەکی ناتەندروست، سەردانی نەخۆشخانەکان بکەن.
کۆمێنت (0)
تا ئێستا هیچ کۆمێنتێک نەکراوە.