كۆشكی سپی ئەمڕۆ یەكشەممە راپۆرتی پشكنینی گشتیی پزیشكی دۆناڵد ترەمپ سەرۆكی ئەمەریكای بڵاو كردەوە و رایگەیاند كە سەرۆك لە ڕووی تەندروستی و هزرییەوە لەوپەڕی باشیدایە.
كۆشكی سپیی ئەمەریكا لەبارەی ئەنجامی پشكنینی پزیشكی ترەمپ دەڵێت "پشكنینە پزیشكییەكان دەری دەخەن كە بەشێوەیەكی گشتی دۆخی تەندروستی جەستەیی و هزری ترەمپ زۆر باشە و گونجاوە كاروبارەكانی سەرۆكایەتی ئەمەریكا و فەرماندەی هێزە چەكدارەكان بەوپەڕی لێهاتووییەوە ئەنجام بدات".
هەروەها لە خستنەڕووی راپۆرتەكاندا هاتووە "ترەمپ هەریەك لە ئەندامەكانی دڵ و گورچیلە و دەمار و جەستەی بەهێزن و دەتوانێت چالاكییەكانی رۆژانەی زۆر بەباشی ئەنجام بدات".
دۆناڵد ترەمپ كە لە گەڕی یەكەمدا لەنێوان ساڵانی 2017 تا 2021 سەرۆكی ئەمەریكا بوو، لە ساڵی 2024 دووبارە لە هەڵبژاردنەكان سەركەوتنی بەدەستهێنا و بۆ گەڕی دووەم بوویەوە سەرۆكی ئەو وڵاتە.
کۆمێنت (0)
تا ئێستا هیچ کۆمێنتێک نەکراوە.