سەرۆكایەتی شارەوانی هەولێر بڕیاریداوە تارتانی شوێنی وەرزشكردن لە پاڕكی سامی عەبدوڕەحمان بگۆڕێت بەهۆی كۆنی و تێكچوونییەوە.
بە نووسراوێك سەرۆكایەتی شارەوانی هەولێر تەندەری پڕۆژەی هەڵگرتن و دووبارە دانانەوەی تارتانی شوێنی وەرزشكردنی لەناو پاڕكی سامی عەبدوڕەحمان راگەیاندووە و كۆمپانیاكان دەتوانن پڕۆژەكە وەربگرن و ئەنجامی بدەن.
بەگوێرەی نووسراوەكە، دەبێت كاری هەڵگرتن و دووبارە دانانەوەی تارتانەكە لەماوەی 120 رۆژ ئەنجام بدرێت، بەپێچەوانەوە هەر رۆژێك دواكەوتنی پڕۆژەكە بە 600 هەزار دینار سزا دەدرێت.
وێنە: نووسراوی سەرۆكایەتی شارەوانی هەولێر بۆ پڕۆژەی هەڵگرتن و دانانەوەی تارتانی شوێنی وەرزشكردنی لەناو پاڕكی سامی عەبدوڕەحمان:-
کۆمێنت (0)
تا ئێستا هیچ کۆمێنتێک نەکراوە.