دوای ڕووداوی ئاگرکەوتنەوەکەی بەرەبەیانی ئەمڕۆ شه‌ممه 5ی نیسانی 2025ی بازاڕی دارەسووتاوەکەی شاری سلێمانی کە بەداخەوە بە هۆیەوە زیاتر لە 100 دووکانی بازەڕەکە سووتان و زیانێكی زۆر به كاسبكاران و خه‌ڵكی بازاڕه‌كه كه‌وت، ئومێد خۆشناو، پارێزگاری هه‌ولێر هاوخه‌می و پشتیوانی خۆی بۆ خه‌ڵكی شاره‌كه ده‌ربڕی .
نووسینگه‌ی ڕاگه‌یاندنی پارێزگای هه‌ولێرئه‌مرۆ شه‌ممه بڵاویكردووه‌ته‌وه، ئومێد خۆشناو پارێزگاری هه‌ولێر ، لە پەیوەندییەکی تەلەفۆنیدا لەگەڵ هەڤاڵ ئەبوبەکر پارێزگارى سلێمانى، وێڕای ده‌ربڕینی ھاوخەمی بۆ ڕووداوی ئاگركه‌وتنه‌وه‌كه‌ی ئه‌مڕۆی بازاڕی داره‌سووتاوه‌كه، ئامادەیی ھەرچی پشتیوانی و پێویستى و هاوکارییە نیشاندا بۆ شاری سلێمانی و زیانلێکەوتووانی ڕووداوەکە .
کۆمێنت (0)
تا ئێستا هیچ کۆمێنتێک نەکراوە.