Erbil 18°C یەکشەممە 06 نیسان 19:20

هاتووچۆی هه‌ولێر : له‌ كاتی بارینی ته‌رزه‌دا ئۆتۆمبێله‌كه‌ت ڕاگره‌ و شوفێری مه‌كه‌

کوردستان TV
100%

ئه‌مرۆ شه‌ممه‌ 5-ی نیسانی 2025 به‌ڕێوه‌به‌رایه‌تی هاتووچۆی هه‌ولێر به‌هۆی گۆڕانی كه‌شوهه‌وا و نزمبوونه‌وه‌ی پله‌كانی گه‌رما ڕاگه‌یه‌نراوێكی گرنگی له‌شێوه‌ی ڕێنمایی بۆ شوفێران بڵاوكرده‌وه‌ و ڕایگه‌یاندووه‌ ، له‌كاتی بارینی ته‌رزه‌دا نابێت به‌هیچ جۆرێك شوفێری بكرێت .

به‌ڕێوه‌به‌رایه‌تی هاتووچۆی هه‌ولێر، دوا نیوه‌ڕۆی ئه‌مرۆ شه‌ممه‌ به‌هۆی گۆڕانی چڕی كه‌شوهه‌واوه‌ ڕاگه‌یه‌نراوێكی بڵاوكردووه‌ته‌وه‌و ڕایگه‌یاندووه‌ ، ئه‌گه‌ری زۆره‌ بارینی ته‌رزه‌ ناو سه‌نته‌ری شاری هه‌ولیریش بگریته‌وه‌ ، پێویسته‌ له‌ كاتی بارینی ته‌رزه‌دا شوفێر ئۆتۆمبێله‌كه‌ی بووه‌ستێنێت و شۆفیری نه‌كات ،چونكه‌ بارینی وورده‌ به‌فری بچووك كاریگه‌ری خراپ له‌سه‌ر تایه‌كانی ئۆتۆمبێل دروست ده‌كات و مه‌ودای بینینش كه‌م ده‌بێته‌وه‌ و كاره‌سات به‌دوای خۆیدا دێنێت.

هه‌ر له‌ ڕاگه‌یه‌نراوه‌كه‌دا به‌ڕێوه‌به‌رایه‌تی هاتووچۆی هه‌ولێر ئه‌وه‌شی خستووه‌ته‌ڕوو ، پێویسته‌ شوفێران له‌كاتی بارینی ته‌رزه‌دا ئۆتۆمبێله‌كانیان ببه‌نه‌ شوێنێك كه‌ سه‌قفی هه‌بیت یان به‌ شتێك دایپۆشن تا ئۆتۆبیله‌كانیان له‌ زیانی بارینی ته‌رزه‌ی به‌خوڕ به‌دوور بێت .

 

 

 

 

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.