دوای ئه‌وه‌ی ئه‌مریكا باجی گومرگی به‌سه‌ر ژماره‌یه‌ك وڵاتدا سه‌پاند، چین بە توندی وەڵامی باجە گومروكییە سەپێندراوەکانی ئەمریکای دایەوە و باجی سه‌دا 34ی بەسەر کاڵای ئەمریکادا سەپاند، دۆناڵد ترەمپیش لە بەرامبەر ئەم هەنگاوەی پەکیندا دەڵێت، "چین تۆقیوە".
وەزارەتی دارایی چین بەرزکردنەوەی رێژەی باجی بۆ هەموو ئەو کاڵایانەی لە ئەمریکاوە هاوردە دەکرێن بۆ سه‌دا سی و چوار راگەیاند، بڕیارەکەش لە 10ی نیسانی ئه‌مساله‌وه دەچێتە بواری جێبەجێکردن.
هه‌روه‌ها وەزارەتی بازرگانیی چینیش سنووردارکردنی هەناردەکردنی حەوت کانزای دەگمەنی راگەیاند، کە لە بواری ئەلیکترۆنیدا بەکاردەهێنرێن، روونیشیکردەوە، چین سکاڵا لە لایه‌ن رێکخراوی بازرگانیی جیهانی له سه‌ر ئه‌مه‌ریكا تۆماردەکات، سەبارەت بە بڕیارەکانی زیادکردنی باجە گومرگییەکان.
پاش بڕیارەکەی چین، سەرۆکی ئەمریکا لە تۆڕی كۆمه‌ڵایه‌تی "تروس سۆشیال" گوتی: "وەڵامەکەی پەکین بە سەپاندنی باج بەسەر بەرهەمە ئەمریکییەکاندا ئەوە دەردەخات کە چین تووشی ترس و تۆقین بووە"، راشیگەیاند، چین بەم بڕیارەی هەڵەی کردووە، چونکە ئەوان بەرگەی فشاری لەوشێوەیە ناگرن.
کۆمێنت (0)
تا ئێستا هیچ کۆمێنتێک نەکراوە.