ئەمڕۆ بە ئامادەبوونی ژمارەیەک لە ئەندامانی سەرکردایەتی پارتی دیموکراتی کوردستان بارەگای مەکتەبی رێکخستنی کەرکووک – گەرمیانی پارتی دیموکراتی کوردستان دەکرێتەوە.
رۆژی شەممە 5ـی نیسانی 2025 دوای نزیکەی هەشت ساڵ لە داخستنی مەکتەبی رێکخستنی کەرکووک – گەرمیانی پارتی دیموکراتی کوردستان کە بەهۆی هێرشەکانی 16ـی ئۆکتۆبەری ساڵی 2017 داخرابوو، لە رێوڕەسمێکی گەورە و شایستەدا بە ئامادەبوونی ژمارەیەکی بەرچاو لە ئەندامانی سەرکردایەتی پارتی دیموکراتی کوردستان جارێکی دیکە ئەو بارەگایە دەکرێتەوە.
لە رێوڕەسمەکەدا ژمارەیەکی بەرچاو لە ئەندامانی سەرکردایەتیی، کادیر و جەماوەری پارتی دیموکراتی کوردستان بەشدارن و هاووڵاتییانی شاری کەرکووک بە دروستکردنی ئاڵایەکی گەورەی کوردستان پێشوازییان لە کردنەوەی بارەگاکە کردووە.
بڕیارە کەمێکی دیکە لە رێوڕەسمێکی شایستەدا پارتی دیموکراتی کوردستان بە فەرمی کردنەوەی بارەگای مەکتەبی رێکخستنی کەرکووک – گەرمیان بکاتەوە و لەمڕۆوە بارەگاکە دەست بە کارەکانی بکاتەوە.
کۆمێنت (0)
تا ئێستا هیچ کۆمێنتێک نەکراوە.