ئه‌مڕۆ پێنج شه‌ممه 3-4-2025 ئاژانسی (ئه‌نادۆڵی )توركیا بڵاویكردووه‌ته‌وه وەزارەتی دەرەوەی چین به فه‌رمی ڕایگەیاندووه، لەبه‌رامبه‌ر ئەو باجە گومرگییەی کە تاکلایەنە لەلایەن ئەمه‌ریکاوە بەسەر وڵاتەکەیاندا سەپێندراوە، زنجیرەیەک ڕێوشوێن بۆ پاراستنی ماف و بەرژەوەندییە پیشه‌سازی و بازرگانه‌كانیان دەگرنەبەر له داهاتوویه‌كی نزیكدا .
وه‌زارەتی دەرەوەی چین له به‌یاننامه‌یه‌كی فه‌رمیدا ئه‌مڕۆ پینجشه‌ممه ڕایگەیاند، ئەو باجە گومرگیەی کە تاکلایەنە لەلایەن ئەمه‌ریکاوە بەسەر وڵاتەکەیاندا سەپێندراوە، لەگەڵ بنەماکانی یاسای نێودەوڵەتییدا ناگونجێت و به دڵنیایی ڕێوشوێن بۆ پاراستنی ماف و بەرژەوەندییە پیشه‌سازی و بازرگانیه‌كانیان دەگرنەبەر له داهاتوویه‌كی نزیكدا .
له به‌یاننامه‌كه‌ی وه‌زاره‌تی ده‌ره‌وه‌ی چین ئه‌وه‌ش خراوه‌ته‌ڕوو ، ئەو ھەنگاوەی ئەمه‌ریکا، لەگەڵ بنەماکانی یاسای نێودەوڵەتیدا ناگونجێت و ھەڕەشە لە بەرژەوەندییە ڕەواکانی وڵاتانی پیشه‌سازی ده‌كات و ڕایگەیاندووە ، ئەمە نەک تەنھا ھەر زیان بە بەرژەوەندییەکانی ئەمه‌ریکا دەگەیەنێت، بەڵکو گەشەی ئابووری جیھانیش دەخاتە مەترسییەوە .
ئەوەشی خستووەتەڕوو کە زۆرێک لە ھاوبەشە بازرگانییەکانی ئەمه‌ریکا ناڕەزاییەتی خۆیان لەھەمبەر ئەو ھەنگاوەی ئه‌مه‌ریكا دەربڕیوە و جەختیان لەوە کردووەتەوە، مێژوو سەلماندوویەتی کە زیادکردنی باجی گومرگیی کێشەکانی ئەمه‌ریکا چارەسەر ناکات، چونکە لە شەڕی بازرگانیدا ھیچ لایەنێک براوە نییە .
هه‌ر له ڕاگه‌یه‌نراوه‌كه‌دا وەزارەتی دەرەوەی چین داوای لە ئەمه‌ریکا کردووە کە بڕیارە تاکلایەنەکەی سەبارەت بە سەپاندنی باجی گومرگیی ھەڵبوەشێنێتەوە و ناكۆكییەكانی لەگەڵ ھاوبەشە بازرگانییەکانی بە گفتوگۆ چارەسەر بکات .
جێی سه‌ره‌نجه هه‌ردوێنێ چوارشەممە 2ی نیسانی 2025 دۆناڵد ترەمپ سەرۆکی ئەمه‌ریکا، سەپاندنی باجی گومرگیی بەسەر چەندین وڵاتی جیھاندا ڕاگەیاند کە کەمترینیان بەڕێژەی لە سەدا ١٠ دەبێت ، به‌ڵام باجی گومرگی چین 34%دیاری كراوه له‌لایه‌ن ئه‌مه‌ریكاوه ئه‌وه‌ش چینی نیگه‌ران كردووه .
کۆمێنت (0)
تا ئێستا هیچ کۆمێنتێک نەکراوە.