ئه‌مڕۆ پێنجشه‌ممه 3ی نیسانی 2025 هێمن میرانی، بەڕێوەبەری گشتیی دیوان له وەزارەتی ناوخۆی حکوومەتی هەرێمی کوردستان ڕایگەیاند، زیادبوونی ژمارەی گەشتیار بە بەردەوامی بۆ شارەکانی کوردستان، بە هۆی ئاشتی كۆمه‌ڵایه‌تی و سەقامگیریی شاره‌كان و سەروەریی یاسا و باری ئەمنییە.
هێمن میرانی، بەڕێوەبەری گشتیی دیوانی وەزارەتی ناوخۆی حکوومەتی هەرێمی کوردستان ئه‌وه‌شی خستووه‌ته‌ڕوو ، گه‌شتیار زۆر وورده له گه‌شتكردن و به‌دوای بنه‌ماكانی گه‌شتێكی سه‌لامه‌تدا ده‌گه‌ڕێ ،بۆیه ئه‌و شوێنه‌ی كه هه‌ڵیده‌بژێرێت ده‌بیت تایبه‌تمه‌ندی گه‌شتی تێدا بێت له هه‌موو لایه‌نه‌كانه‌وه كه گه‌شتیار بیری لێ ده‌كاته‌وه.
هێمن میرانی ڕاشیگه‌یاندووه ، کەس ئامادە نییە پارەی خۆی بۆ گەشتکردن لە شوێنێک خەرج بکات كه تایبه‌تمه‌ندی ئه‌منی و ته‌ندروستی و گه‌شتیاری نه‌بێت ، بۆیە بێ هیچ گومانێک زیادبوونی ژمارەی گەشتیار بە بەردەوامی بۆ شارەکانی کوردستان، ئینجا گەشتیاری ناوخۆی شارەکانی عێراق بن یان هی وڵاتانی هەرێمی و ئەورووپی، بە هۆی سەقامگیریی کوردستان و سەروەریی یاسا و باری ئەمنییە له ناوخۆی هه‌رێمی كوردستاندا.
هێمن میرانی، بەڕێوەبەری گشتیی دیوان له وەزارەتی ناوخۆی حکوومەتی هەرێمی کوردستان ئاشكراشی كردووه ، بێگومان ئه‌م سه‌قامگیرییه‌ی ئێستا له شاره‌كانی هه‌رێمی كوردستان هه‌یه بە شەونخونیی هێزە ئەمنییەکان و هاوکاری و هەماهەنگیی هاووڵاتیانی کوردستان هاتووەتە دی و دەبێ هەمووشمان بەشدار بین لە پاراستنی .
کۆمێنت (0)
تا ئێستا هیچ کۆمێنتێک نەکراوە.