ئێوارەی ئەمڕۆ چوارشەممە بەهۆی خواردن لە چێشتخانەیەكی پارێزگای میسان، 12 كەس تووشی ژەهراوی بوون و رەوانەی نەخۆشخانە كران.
نەخۆشخانەی فریاكەوتنی سەدر لە پارێزگای میسان بڵاوی كردەوە: لە دوای ئێوارەوە 12 هاووڵاتی بەپەلە هێنراونەتە نەخۆشخانەكەمان كە لە ئەنجامی خواردنی خراپ و بەسەرچوو لە یەكێك لە چێشتخانەكانی سەنتەری پارێزگای میسان تووشی ژەهراوی ببوون.
بڵاویشی كردەوە: پشكنین بۆ نەخۆشەكان كراوە و دەركەوتووە سەرجەمیان بەهۆی خواردنی خراپەوە تووشی ژەهراویبوون هاتوون.
ئاماژەی بەوەش دا كە چارەسەری پزیشكی بۆ نەخۆشەكان كراوە و ئێستا بارودۆخی سەرجەمیان جێگیرە.
کۆمێنت (0)
تا ئێستا هیچ کۆمێنتێک نەکراوە.