حزبوڵای لوبنانی بەفەرمی كوژرانی جێگری سەرۆكی مەكتەبی سیاسی حزبەكەیان راگەیاند كە ئەمڕۆ سێشەممە لەلایەن سوپای ئیسڕائیلیەوە بە مووشەك هێرشكرابووە سەر ماڵەكەیان.
حزبوڵا لە بەیاننامەیەكدا رایگەیاند: لە ئەنجامی بۆردومانێكی سوپای ئیسڕائیل بۆ سەر خانوویەك لە باشووری بەیرووت، عەلی حەسەن بەدیر جێگری سەرۆكی مەكتەبی سیاسی حزبوڵا و كوڕەكەی حەسەن عەلی بەدیر كوژران.
سوپای ئیسڕائیل ئەمڕۆ سێشەممە لە كاتێكی دیكەدا رایگەیاندبوو، سەركردەیەكی باڵای حزبوڵایان لە باشووری بەیرووت كردۆتە ئامانج كە مەترسی بوو بۆ سەر ئەمن و ئاسایشی ئیسڕائیل.
لای خۆشییەوە وەزارەتی تەندروستی لوبنان لەبارەی رووداوەكە رایگەیاندبوو: لە ئەنجامی بۆردومانی خانوویەك لە باشووری بەیرووت، سێ كەس گیانیان لەدەستداوە كە یەكێكیان ئافرەتە، هەروەها 7 كەسی دیكەش بریندار بوون كە برینی دووانیان مەترسیدارە.
کۆمێنت (0)
تا ئێستا هیچ کۆمێنتێک نەکراوە.