به‌ره‌به‌یانی ئه‌مرۆ یه‌كشه‌ممه دوای به‌شداری كردن له نوێژی جه‌ژن، سه‌ربه‌ست له‌زگین ئەندامی مەکتەبی سیاسی و بەرپرسی مەکتەبی رێکخستی پارتی دیموکراتی کوردستان لە دهۆک، له لێدوانێكدا بۆ میدیایه‌كان، پیرۆزبایی جەژنی ڕەمەزان لە خانەوادەی سەربەرزی شەهیدان و پێشمەرگە قارەمانەكان و سەرجەم موسڵمانانی كوردستان كرد.
هه‌روه‌ها باس له كلتوری پێكه‌وه ژیان له هه‌رێمی كوردستان كرد و رایگه‌یاند، ئەمە کولتووری کۆنی ئێمەیە، پێکەوەژیان و لێبوردن خاڵێکی بەهێزی کوردستانە و خۆی رێبازێکە و هەموومان لە سەری دەڕۆین.
سه‌باره‌ت به پرسی پێكهێنانی حكوومه‌تیش له دوای جه‌ژن، سه‌ربه‌ست له‌زگین رایگه‌یاند، لێكنزیكبوونه‌وه‌یه‌كی باش هه‌یه له نێوان پارتی و یه‌كێتی، له سه‌ر زۆربه‌ی پرسه‌كانیش رێككه‌وتوون.
چاوه‌روان ده‌كه‌ن له مانگی نیساندا له‌گه‌ل یه‌كێتی له‌سه‌ر ته‌واوی پرسه‌كان رێككه‌وتن بكه‌ین و لە کاتێکی نزیکدا کابینەی دەیەمی حکومەتی هەرێمی کوردستان پێكبهێنرێت.
کۆمێنت (0)
تا ئێستا هیچ کۆمێنتێک نەکراوە.