ئەمڕۆ پێنجشەممە 2025-03-20، مەسرور بارزانی سەرۆکوەزیرانی هه‌رێمی كوردستان پێشوازی لە گلێن مایڵز باڵیۆزی ئوسترالیا لە عێراق کرد، جەخت له پته‌وكردنی په‌یوه‌ندییه‌كانی نێوان هه‌ردوو لا كرایه‌وه .
هه‌ر له دیداره‌كه‌ی نێوانیاندا ،گفتوگۆ كرا لەباره‌ی پێویستیی پێکهێنانی کابینەی نوێی حکوومەتی هەرێمی کوردستان له نزیكترین كاتدا كه گوزراشت له هه‌موو چین و توێژه‌كان و پێكهاته‌كانی هه‌رێمی كوردستان بكات .
چارەسەرکردنی کێشەکانی نێوان هەرێمی کوردستان و حکوومەتی فیدراڵ لەسەر بنەمای دەستوور و ڕێزگرتن لە قەوارەی دەستووریی و فیدراڵی هەرێمی کوردستان به‌شێكی تری گفتوگۆكانی نێوانیان بوو .
لای خۆیه‌وه گلێن مایڵز باڵیۆزی ئوسترالیا لە عێراق پشتیوانی خۆی بۆ هه‌رێمی كوردستان ده‌ربڕی و ستایشی مه‌سرور بارزانی سه‌رۆكی حكوومه‌تی كرد له‌و به‌ره‌و پێشچوونانه‌ی له هه‌رێمی كوردستان به‌دی ده‌كرێت و دووپاتیكرده‌وه ئوستراڵیا هاوكارێكی به‌رده‌وام ده‌بێت بۆ هه‌رێمی كوردستان .
کۆمێنت (0)
تا ئێستا هیچ کۆمێنتێک نەکراوە.