مه‌رجه‌عی باڵای شیعه‌ی عێراق یه‌كه‌م رۆژی مانگی ڕه‌مه‌زانی دیاری كرد

مه‌رجه‌عی باڵای شیعه‌كانی عێراق به‌ فه‌رمی یه‌كه‌م رۆژی مانگی پیرۆزی ره‌مه‌زانیان دیاری كرد كه‌ ڕۆژی 2ی مانگی ئاداری 2025.

ئه‌مڕۆ چوارشه‌مه‌ 19-2-2025  نووسینگه‌ی عه‌لی سیستانی ،مه‌رجه‌عی باڵای شیعه‌كانی عێراق به‌ فه‌رمی رایگه‌یاند ، 2ی مانگی ئادار كه‌ ده‌كاته‌ ڕۆژی چوارشه‌ممه‌ یه‌كه‌م رۆژی مانگی ره‌مه‌زان ده‌بێت له‌ عێراقدا .

ئه‌مه‌ له‌ كاتێك دایه‌ كه‌ هیچ ساڵێك سوننه‌و شیعه‌ی عێراق له‌ یه‌ككاتدا یه‌كه‌م رۆژی مانگی ره‌مه‌زانیان دیاری نه‌كردووه‌ ئه‌وه‌ش به‌ هۆكاری جیاواز ، به‌و پێیه‌ش بێت وه‌قفی سوننی عێراقی 1ی مانگی ئاداری ئه‌مساڵ ده‌كه‌ن به‌ یه‌كه‌م رۆژی مانگی ره‌مه‌زانی پیرۆز كه‌ ده‌كاته‌ رۆژی سێشه‌ممه‌  .  

به‌پێی ئه‌و پێشبینیانه‌ی كه‌ كراوه‌ مانگی ره‌مه‌زانی ئه‌م ساڵ 30 رۆژی پڕ نابێت و 29 رۆژ ده‌بێت له‌ عێراقدا .كاتی بانگی مه‌غریب له‌ یه‌كه‌م رۆژی مانگی ره‌مه‌زان 6 و 15 خوله‌ك ده‌بێت و تا كۆتایی مانگی ره‌مه‌زان ده‌گاته‌ نزیك 6 و 40 خوله‌كی ئێواره‌ .