شەپۆڵێكی دیكەی بارانبارین ناوچەكانی هەرێمی كوردستان و بەشێك لە پارێزگاكانی عێراق دەگرێتەوە و لەم هەفتەیەدا بارانبارینەكە دەست پێ دەكات.
عەلی جابر زیادی شارەزای كەشناسی عێراقی رایگەیاند: پێشبینی دەكرێت لە رۆژی چوارشەممەی داهاتووەوە بارانبارین لە هەرێمی كوردستان و بەشێك لە پارێزگاكانی عێراق دەست پێ بكاتەوە.
راشیگەیاند: لە هەرێمی كوردستان لە شەوی دووشەممەوە ئاسمان دەگۆڕێت بۆ هەور و كەشوهەوا ناسەقامگیری بەخۆیەوە دەبینێت، بەڵام لە رۆژی چوارشەممە بارانبارین دەست پێ دەكات.
هەروەها رایگەیاند: بارانبارینەكە دوو رۆژ (چوارشەممە و پێنجشەممە) بەردەوام دەبێت و جگە لە ناوچەكانی هەرێمی كوردستان، بەشێك لە پارێزگاكانی ناوەڕاست و باشووری عێراقیش دەگرێتەوە.
شارەزاكەی كەشناسی ئاماژەی بەوەش دا كە جگە لەم شەپۆڵە، پێش كۆتاهاتنی ئەم مانگە شەپۆڵێكی دیكەی بارانبارین روو لە هەرێمی كوردستان و عێراق دەكاتەوە.
کۆمێنت (0)
تا ئێستا هیچ کۆمێنتێک نەکراوە.