وەزارەتی پێشمەرگەی رێنمایی نوێی خانەنشینی سەربازی بڵاو دەكاتەوە و تێیدا ئاماژە بەوە دەكات كە ئەفسەر و پێشمەرگە هاوشێوەی فەرمانبەرانی مەدەنی لە تەمەنی 60 ساڵی خانەنشین دەكرێن.
وەزارەتی پێشمەرگە لە رێنماییەكانی خانەنشینی سەربازیدا كە شۆڕش ئیسماعیل وەزیری پێشمەرگە واژۆی لەسەر كردووە، دەڵێت "وەزارەتی پێشمەرگە بە پشتبەست بە بریارەکانی وەزارەتی دارایی و ئابووری ئەم فەرمانە وەزارییەی بۆ سەرجەم بەڕێوەبەرایەتی و یەکە سەربازییەکان پەخشکردووە، بە پێی فەرمانەکە ئەفسەران و کارمەندانی وەزارەتی پێشمەرگە کە ئێستا خانەنشین دەبن بە پێی یاسای ڕاژە و خانەنشینی سەربازی ژمارە (3)ی ساڵی 2010 خانەنشین دەکرێن.
رێنماییەكانی خانەنشینی وەزارەتی پێشمەرگە لە 8 خاڵ پێكهاتووە، لە خاڵی یەكەمدا ئاماژە بەوەدراوە كە تەمەنی خانەنشینیی سەربازی ئەفسەر و پێشمەرگە لە 60 ساڵیدا دەبێت، هەروەها هاتووە كە هەندێك لە ئەفسەر و پێشمەگە بەدەر دەكرێن لەم رێنماییە و رەنگە بۆ 63 و 65 ساڵیش بەرز بكرێنەوە.
ئاماژە بەوەشدراوە كە هەر ئەفسەر و پێشمەرگەیەك بە ئارەزوومەندانە بیەوێت خانەنشین بێت، دەبێت تەمەنی 50 ساڵی تەواو كردبێت و خزمەتیشی لە 25 ساڵ كەمتر نەبێت.
ئەمەی خوارەوە رێنماییەكانی خانەنشینی سەربازی وەزارەتی پێشمەرگەیە:-
کۆمێنت (0)
تا ئێستا هیچ کۆمێنتێک نەکراوە.