شاندێکی باڵای سعوودیە لەگەڵ سەرۆکی دەسەڵاتی نوێی سووریا ، ئەحمەد شەرع کۆبووەوە.
تەلەڤیزیۆنی عەرەبیەی سعوودیە، لە هەواڵێکیدا ئاماژەی بەوە کرد شاندێک بە سەرۆکایەتی ڕاوێژکاری دیوانی شاهانەی سعوودیە سەردانی دیمەشقی پایتەختی سووریای کردووە.
لە هەواڵەکەدا باس لەوە کراوە کە شاندە باڵاکە لە سەردانەکەیدا بۆ دیمەشق لەگەڵ سەرۆکی دەسەڵاتی نوێی وڵاتەکە شەرع کۆبووەتەوە.
هەروەها لە هەواڵەکەدا سەرنج خراوەتە سەر ئەو لێدوانانەی پێشتر شەرع لە بارەی سعوودیە دابوونی.
لە هەواڵەکەدا ئەوەیش خراوەتەڕوو کە زۆر خاڵی هاوبەش لە نێوان سعوودیە و سووریادا هەیە.
هێشتا بەرپرسانی فەڕمی سعوودیە هیچ لێدوانێکیان سەبارەت بە سەردانەکە بڵاونەکردووەتەوە.
کۆمێنت (0)
تا ئێستا هیچ کۆمێنتێک نەکراوە.