یانەی وەزرشی هەولێر هەڵبژاردن ئەنجام دەدات

بڕیارە رۆژی چوارشەممەی هەفتەی داهاتوو یانەی وەرزشی هەولێر هەڵبژاردن بۆ دەستەیەكی كارگێڕی نوێ ئەنجام بدات.

بەڕێوەبەرایەتی گشتی وەرزش رایگەیاند "ئاگاداری گشت ئەندامانی دەستەی گشتی یانەی وەرزشی هەولێر دەكەینەوە بۆ ئەنجامدانی کۆبوونەوە، بەمەبەستی ئەنجامدانی ھەڵبژاردن بۆ دەستنیشانکردنی دەستەیەکی کارگێری نوێ بۆ یانەكە".

راشیگەیاند "هەڵبژاردنەكە لە كاتژمێر 2:30ی دوای نیوەڕۆی ڕۆژی چوارشەممەی داهاتوو رێكەوتی 25/12/2024 لە هۆڵی پێشەوا لەناو وەزارەتی ڕۆشنبیری و لاوان ئەنجام دەدرێت".

بەڕێوەبەرایەتییەكە هەروەها ئاماژەی بەوە دا "دەرگای خۆپاڵاوتن بۆ سەرجەم ئەندامانی دەستەی کارگێڕی بۆ ماوەی سێ ڕۆژ (22، 23 و 24ی 12ی 2024) كراوە دەبێت".